top of page

A Coruña Fillos de Breogán é un club de fútbol gaélico fundado na Coruña en setembro de 2010. Trátase pois do primeiro club do noso país do deporte nacional irlandés. O seu promotor e fundador foi Wenceslao García, tamén primeiro presidente do club. O equipo masculino estreouse en partido en febreiro de 2011. Dende ese ano, A Coruña Fillos de Breogán acudiu co seu equipo masculino a tódolos eventos oficiais do fútbol gaélico na Península Ibérica. Participou así ininterrompidamente en tódolos torneos do Campionato Ibérico ata o día de hoxe, sen faltar a unha cita.

O seu crecemento foi constante. Iso lle permitiu crear a súa sección feminina, A Coruña Fillas de Breogán, o primeiro equipo feminino do país, que participa no Campionato Ibérico dende o 2012. Ademais, o aumento no número de xogadores provocou o nacemento de Ártabros de Oleiros, segundo equipo masculino do club e tamén segundo equipo galego de fútbol gaélico. Ata o xurdimento doutros equipos en Galicia a finais de 2012, Ártabros e Fillos de Breogán eran os únicos conxuntos deste deporte na nosa terra. Así, os seus enfrontamentos, coñecidos como Copa McEvoy (en honra ó antigo vicepresidente da entidade, Seánie McEvoy), servían como título oficioso de campión galego. 

O primeiro equipo de fútbol gaélico de Galicia. A primeira semente deste deporte na nosa terra

A Coruña Fillos de Breogán

Fundación: 2010

Presidente: Sebas Pan

Vicepresidente: Seánie McEvoy

Secretario: Carlos Seco

Tesoureiro: Martín Fernández

Adestrador: Carlos Seco/Bruno Domínguez

Capitán de Fillos: Pedro Alberte Aguado

2º capitán de Fillos: Óscar Rodríguez

Capitán de Ártabros: Wences García

2º capitán de Ártabros: 'Ripa' Ripamonti

Capitana de Fillas: Patricia García

Capitana de Fillas: Kamy Fernández​

  • Wix Facebook page
  • Wix Twitter page
  • Wix Google+ page
bottom of page