Cal foi o teu primeiro contacto co fútbol gaélico?

En Croke Park, en xuño de 2010, nas semifinais do Campionato de Leinster. Vin como Louth vencía a Westmeath e como Meath arrasaba a Dublín. Xa coñecía o fútbol gaélico pero nunca o vira in situ. Dende aquela xa quedei namorado irremediablemente dese deporte. Sempre me sentín atraído polo fútbol australiano, pero nunca o puiden practicar, xa que nunca houbo equipos en Galicia. Desta volta, non quería que fose así. Se había que comezar de cero e crear un club, tería que ser así. Así, comecei con esta aventura e en outubro de 2010, nunha reunión nunha taberna irlandesa da Coruña, fundamos formalmente o club. Nese momento non sabía onde acabaría todo, pero tiña a vontade de teimar para que seguise medrando e para que xurdisen máis equipos en Galicia para facer viable isto a longo prazo. O deporte gustou e, con moito traballo pero con moita ilusión, a familia medra ano tras ano.

​​