¿Cal foi o teu primeiro contacto co fútbol gaélico?

​Foi un día que Wences me falou del e tentou liarme para xogar. A primeira vez non lle fixen caso, a segunda conseguiu que fose ó primeiro adestramento, engancheime e ata hoxe.

​​

¿Lémbraste do teu primeiro partido cos Fillos?

​Si. Foi o amistoso Contra os Madrid Harps, o primeiro partido da historia do club. En realidade eles non traeran un equipo completo pero daba igual, eran os Harps. Comezamos gañando cun tanto de Rubén, foi a hostia. Ó final lóxicamente perdimos, pero xa ninguén recorda o resultado. Non importa, o que si recordaremos tódolos Fillos o resto da nosa vida é a experiencia vivida.

​

¿Que é o que máis che gusta do teu deporte?

​O desprazamento co balón. É moi complicado, obrígache a pensar cada paso que das. Iso é o bonito.​

​

¿Cal é o momento que recordas con especial agarimo?

​O debut do equipo. Estar alí nese momento histórico.

​​

¿Algunha anécdota que salientar?

​Eu, xunto con algún máis, cheguei mamado ó primeiro campionato que xogamos en Sevilla. Fomos á reunión da noite previa ó torneo nunha cervexería irlandesa e a noite fóisenos das mans. Por suposto, o meu xogo nese campionato foi un desastre.

​

¿Por que debe alguén enrolarse nos Fillos de Breogán?

​Polo bo ambiente que temos e polo propio deporte, que é moi bonito de xogar e é moi saudable.