¿Cal foi o teu primeiro contacto co fútbol gaélico?

​O primeirísimo contacto foi en Irlanda, onde me entereime que existía e, anos despois, cando me falaron do proxecto dos Fillos, mirando vídeos por internet.

​​

¿Lémbraste do teu primeiro partido cos Fillos?

​O meu primeiro partido foi en contra dos Fillos, completando o equipo dos Harps que viñeran á Coruña xogar un amigable. Xa defendendo a nosa camisola, se non me lembro mal, foi no torneo de Iruña contra Valencia.

​

¿Que é o que máis che gusta do teu deporte?

​Como é obvio, nunca o practicara e paréceme moi bonito ver como vas aprendendo e mellorando ós poucos. Por outra banda, no estritamente deportivo, gústame a combinación de velocidade e habilidade necesaria para este xogo.​

​

¿Cal é o momento que recordas con especial agarimo?

​Habería moitos intres especiais que subliñar, por exemplo o de poder xogar coa miña selección, pero creo que o sentimento de pertencer á familia gaélica o supera todo. Ver como unha xente á que non coñecías de nada pasan a ser unha parte importante na túa vida foi o mellor.

​​

¿Algunha anécdota que salientar?

Santi puxo o listón moi alto cando percorreu medio campo e anotou un tanto na nosa portería, pero superouse esa mesma noite cando pensaba que lle deran o trofeo ó mellor xogador no noso torneo. Foi moi divertido.​

​

¿Por que debe alguén enrolarse nos Fillos de Breogán?

​Polo que comentaba anteriormente, tanto por descubrir un novo deporte como pola boa atmosfera que rodea o equipo.