¿Cal foi o teu primeiro contacto co fútbol gaélico?

​​​​Unha sesión didáctica improvisada por Santi Vecino antes do meu primeiro adestramento hai pouco máis dun ano.

​​

¿Lémbraste do teu primeiro partido cos Fillos?

​​​​O meu primeiro partido oficial foi no torneo de Sevilla a comezos deste ano 2012: cheguei coma unha moto, primeira xogada un tanto, segunda xogada rotura fibrilar no bíceps femoral... Disque algunhas motos pinchan cedo..

​

¿Que é o que máis che gusta do teu deporte?

​​​Que obriga a exercitar e coordinar todo o corpo, por non falar de como obriga a pensar rápido.​

​

¿Cal é o momento que recordas con especial agarimo?

​​​​No colectivo, o partido coa Selección Galega e o pase á final do noso torneo deste ano. No persoal, un tanto marcado contra Madrid no torneo de Barcelona que nos serviu para empatarlles. Foi o mellor golpeo que fixen na vida, escorado e dende ben lonxe, non sei se serei quen de repetilo algún día.

​​

¿Algunha anécdota que salientar?

​​​​Por dicir algunha distinta ás dos compañeiros, resúltame divertido lembrar cómo foi a miña entrada ó campo no torneo de Sevilla coma debutante. Entrei no campo, púxenme ó lado do xogador de Valencia que estaba na miña zona e este saudoume cun choque do seu ombreiro no meu. Pensei "estes irlandeses sonche de pouco falar..."​​

​

¿Por que debe alguén enrolarse nos Fillos de Breogán?

​​​Porque coa vida moderna é fácil botar bandullo.​​